Реал Мадрид ја совлада Осасуна на гостински терен со 0-2 во рамките на 22. коло во Ла Лига. Првото полувреме беше изедначено, не видовме голови, но затоа нервозата беше голема особено во редовите на „кралскиот“ тим.
По првите 45. минути во центарот на вниманието беше Карло Анчелоти. Откако судијата означи крај на првото полувреме тој веднаш отиде кон него. Иако подели три жолти картони на домашниот тим, Анчелоти беше бесен поради агресивноста на фудбалерите на Осасуна, според него санкциите требало да бидат поостри.
#vinicius jr missed a 1-1 opportunity and was the most dangerous #RealMadrid ‘s player in 1-st half. He was fouled like crazy and the referee looks like lost the game out of hand. #Ancelotti entered the pitch to tell him pay more attention. He was abused right from the start pic.twitter.com/S6IvvfHf8f
— R M The Best ⚽️🦁🔼🔝 (@RealMadridTBest) February 18, 2023
Италијанскиот стратег посочи за Винисиус Жуниор, кој воопшто не беше поштеден од страна на противникот, а судијата како да ја имаше веќе изгубено контролата.
По овој натпревар, Реал Мадрид останува втор на табелата со 51 бод, пет помалку, но и натпревар повеќе од лидерот Барселона, која прави големи чекори кон титулата.
Она што следно го очекува Реал Мадрид е гостување кај Ливерпул во осминафиналето од Лигата на шампионите. Таа средба ќе се одигра за два дена на „Енфилд“.
