Менаџерот на Ливерпул, Јирген Клоп, со многу оптимизам зборува за претстојниот осминафинален дуел во Лигата на шампионите противнРеал Мадрид. „Редси“ се домаќини на европскиот и светскиот клупски шампион утре на „Енфилд“ во првата средба меѓу двата тима откако се судрија во финалето во Париз во мај. Клоп е уверен дека неговиот тим е подготвен за оваа супер пресметка.
„Реал Мадрид е еден од најголемите клубови во светот. Викендов повторно го гледав финалето во Париз. Сфатив зошто не го направив тоа порано. Тоа беше тортура. Одигравме добар натпревар и можевме да го добиеме, но тие го постигнаа решавачкиот гол. Можете да го видите нивното искуство. Сега сме во друг момент. Ќе видиме кој ќе продолжи понатаму. Гостувањето на Бернабеу исто така ќе биде многу тешко, но кому му е грижа? Ова е Лигата на шампионите. Еден од најголемите натпревари во светот. Ќе биде врвен натпревар и среќен сум што можеме да играме во него. Пред четири недели ќе беше многу поинаку, но во животот секогаш е важно кога работите се случуваат. Мора да одиграме два супер натпревари за да продолжиме. Мораме да бидеме максимални за да имаме шанса. За Реал е поинаку бидејќи и да не го играат својот најдобар фудбал. Карло Анчелоти е еден од најмирните луѓе што би можеле да ги сретнете. Тој е толку скромен, но начинот на кој може да ги води луѓето е на поинакво ниво во споредба со сите нас. Ова е реално. Не можеме да ја играме оваа игра без должна почит. Имаат играчи како Лука Модриќ, Тони Крос, Карим Бензема, Винисиус. Сите тие се од светска класа. Се обидовме, но не дојдовме во финалето минатата сезона. Во двете предфинални кола на Реал со ПСЖ и Манчестер Сити, изгледаше дека се е готово за нив и тие беа надвор, но не беше. Тоа е класата на овој тим. Некои од играчите во него пет пати ја освоија Лигата на шампионите“, изјави Клоп на денешната прес-конференција.
Германецот ги прокоментира и шансите на Дарвин Нунес, кој заработи повреда на рамото на мечот со Њукасл, да игра утре против Реал: „Постои шанса Дарвин да игра. Ќе треба да видиме како ќе се справи со болката. Кога ќе го знаеме тоа, ќе донесеме одлука“. – додаде Клоп.
