Така е тоа во Струга Трим Лум, во клубот кој и натаму е лидер на табелата во ПМФЛ и еден од нашите најдобро организирани клубови во земјата. Имено денеска на тренингот присуствуваше и првиот човек на стружани, Арбтрим Ќира и тоа во друштво на спорсткиот директор Бесарт Исаку и секретарот Мифтар Шаќири. Ќира како голем вљубеник на фудбалот им даде поддршка на своите соиграчи во пресрет на саботниот дуел со Македонија ЃП. Да потсетиме во неделата, четата на стратегот Срѓан Захариевски одигра 1:1 во Кавадарци со Тиквеш, а познато е дека за две недели, поточно на 8 март, се игра супер- дербито со Шкупи и тоа во Струга. Мега – дерби кое веројатно ќе биде еден од оние решавачки оваа пролет во битката за титулата.
Токму затоа претседателот на Струга денеска им даде целосна поддршка на своите фудбалери и им посака одлични игри и победи на дуелите со Македонија ЃП и Шкупи.
