Женската фудбалска репрезентација на Македонија беше учесник на меѓународниот контролен турнир што се одржа во Аланија, Турција изминатите денови. Во конкуренција со селекциите на Замбија, Бугарија и Естонија, забележани се два порази и едно реми, а за најдобар играч за врска на турнирот е прогласена Наташа Андонова.
„Задоволен сум од подготовките и настапот на моите фудбалерки на контролниот турнир во Аланија, Турција Одигравме мотивирано, квалитетно на сите три натпревари против силни противници. Од Замбија и Бугарија претрпевме два несреќни порази со голови примени во последните минути, додека со незгодната селекција на Естонија одигравме нерешено. На овие натпревари можност добија млади фудбалерки кои беа повикани на овие подготовки и максимално ја оправдаа укажаната доверба. Задоволен сум од нивниот настап, во иднина може да придонесат многу за сениорскиот тим” – изјави селекторот Кирил Изов.
