Искусниот шпански фудбалер Серхио Рамос стави крај на кариерата во репрезентацијата на Шпанија. На играчот на ПСЖ му стана јасно дека нема повеќе да биде повикуван за да игра поради што реши да се повлече.
„Време е да се збогуваме со репрезентацијата на Шпанија. Утрово ми се јави актуелниот селектор и ми кажа дека нема да влегувам и нема да бидам дел од неговите планови, без разлика како ќе настапувам или што правам во кариерата.
Тоа е крај на едно патување за кое се надевав дека ќе потрае подолго и ќе заврши со подобар вкус во устата, заедно со сиот успех што го имавме со тимот. Искрено верувам дека ова патување заслужи да заврши по мој избор или затоа што моите настапи не беа на ниво достојно за нашата репрезентација. Не поради возраста или некоја од другите причини поради кои, иако не ги слушнав директно, дефинитивно ги почувствував. Бидејќи возраста сама по себе не е доблест или недостаток; тоа е само бројка што не мора да се однесува на перформансите или способностите.
Им се восхитувам и им завидувам на играчи како Модриќ, Меси и Пепе. Тие се суштината на традициите, вредностите и правдата во фудбалот. За жал, тоа нема да биде случај за мене бидејќи фудбалот не е секогаш фер и фудбалот никогаш не е само фудбал. Ова е нешто што морам да го прифатам, иако со тагата што ја споделувам со вас, но и со крената глава“, напиша Рамос на „Инстаграм“.
