Астана – Ордабаси 2:1 е епилогот од мечот во Супер Купот на Казахстан. За нас не толку интересно, но ако се знае стрелци на головите беа Алекса Амановиќ и Дембо Дарбо, е тогаш навистина тоа е убава вест. Имено Амановиќ е некогашен наш младински репрезентативец, а Дембо Дарбо до пред две години беше страв и трепет за голманите во ПМФЛ како напаѓач на Шкупи.
Македонецот постигна убав гол за 1:0 во 8.минута за Астана, додека напаѓачот од пенал во 38.минута погоди за конечни 2:1.
