Во очекување на големото дерби на ланските финалисти во плеј-офот, Работнички и Јанта Волеј закажано за в понеделник од 17:30, викендов на програмата во 2. коло од разигрувањето кај одбојкарките беа два меча.
Во рамките на плеј-оф делот екипата на Наковски Волеј славеше со максимални 3:0 на гостувањето кај Фит Фан Волеј. Ова беше дванаесетта победа за струмичкиот тим, со која се израмни со Јанта Волеј.
Во плеј-аут делот се одигра извонредно драматичен меч меѓу двата скопски тима со исто име – Вардар. На крајот со 3:2 во сетови победата им припадна на младите одбојкарки на Вардар жени 2019.
Прва лига (жени), Втора фаза-1, (2.коло)
Фит фан волеј – Наковски волеј 0:3 (16:25, 23:25, 15:25)
Работнички Скопје – Јанта волеј (понеделник, 17.25, МРТ-3)
Табела: Работнички Скопје 14-1, Јанта волеј КВ 12-3, Наковски волеј 12-4, Фит фан волеј 7-9.
Прва лига (жени), Втора фаза-2, (2.коло)
Вардар ЕМ – Вардар жени 2:3 (25:22, 24:26, 11:25, 26:24, 9:15)
Македонија Макс – Струмица жени (вторник, 20.00)
Табела: Вардар жени 7-9, Струмица жени 5-10, Вардар ЕМ 5-11, Македонија Макс 0-15.
