Состојбата во Сампдорија деновиве изгледа депресивно, бидејќи клубот од Џенова е претпоследен во Серија А. Навивачите се незадоволни, а некои од нив отидоа и дотаму да испраќаат смртни закани до првиот човек на клубот.
Во пресрет на првенствениот натпревар против Лацио в понеделник, претседателот на Сампдорија добил пакет во кој имало свинска глава.
„Прво проектил, сега свинска глава. Уште една смртна закана во Сампдорија, поточно пред седиштето на клубот во Корте Ламбрускини, по минатонеделната закана. Во пакетот е пронајдена свинска глава со придружно писмо“, пишува новинарот Џанлука Ди Марцио.
Во писмото пишувало: „Масимо Фереро и Антонио Ромеи, следните глави ќе бидат ваши“.
Масимо Фереро е претседател на клубот на Сампдорија, додека Антонио Ромеи е член на управниот одбор.
La Sampdoria a reçu un colis très spécial ce matin a son siège. Il s’agissait d’une tête de cochon accompagnée du message suivant :
« Massimo Ferrero et Antonio Romei, les prochaines têtes seront les vôtres ».
Ambiance glaciale à Gênes ! 🐷🥶
(La Repubblica) pic.twitter.com/jLDCFdRbjA
— Actualité – Serie A (@ActualiteSerieA) February 25, 2023
