Дербито во Западната конференција му припадна на Мемфис, кој го совлада лидерот Денвер со 112-94. Гризлис останаа на второто место, имаат два меча помалку од Нагетс и шест победи помалку.
Домашниот тим доминираше во сите три четвртини, на другата страна тимот на Никола Јокиќ се разбуди во последната четвртина, но веќе имаше негатива од 35 поени, нешто што ниту во НБА-лигата не може да се надокнади.
Морант со 23 поени и 7 скока беше лидер кај победникот, зад него беше Џонс со 17 поени и 5 асистенции. Никола Јокиќ запиша скромен дабл-дабл од 15 поени и 13 скока, Грин имаше 12 поени.
Тејтум со тројка на 1.3 секунди до крајот донесе голема радост во редовите на Бостон, кој ја совлада Филаделфија на гости со 110-107. Во последните три минути домашниот тим влезе со негатива од пет разлика, успеа да израмни, но во драмата и по тројката на Тејтум, Ембид упати удар од половина терен, но кошот не беше признат.
WHAT A FINISH 🤯
Tatum gamewinner. Embiid full court shot that DID NOT count 😱 pic.twitter.com/JdIWE50oQy
— Bleacher Report (@BleacherReport) February 26, 2023
Браун со 26 поени беше најефикасен кај гостите, Тејтум и Вајт имаа по 18 поени, на другата страна 41 поен на Ембид не неше доволен.
Резултати: Шарлот – Мајами 108-103, Орландо – Индијана 108-121, Њујорк – Ну Орлеанс 128-106, Мемфис – Денвер 112-94, Филаделфија – Бостон 107-110, Јута – Сан Антонио 118-102.
