Барселона не успеа да му избега на Реал на +10 поени на чело на табелата. Поразот од Алмерија ги поремети па место конфорна бодовна разлика, сега разликата е +7 за каталонскиот клуб. Барса доживеа пораз од Алмерија која минатото коло беше демолирана од Кадиз со 6:2. Но она што загрижува е фактот што на целиот меч фудбалерите на Барселона упатија само еден удар на голот на противникот (прецизен).
Па тренерот Чави беше бесен по мечот.
„Ова е најлошиот натпревар во сезоната, и во нападот и во одбраната, како и во конструкцијата и интензитетот. Лут сум затоа што тоа беше можност да стигнеме до десет поени разлика во однос на Реал Мадрид и не успеавме“, изјави тој за „Мовистар“.
Потоа на прес конференцијата изјави:
„Многу ме нервира, беше ден да се зададе удар, не дефинитивен, но важен во Ла Лига. Не успеавме, немаме оправдување, не покажавме интензитет, ни желба за победа и тоа е она што најмногу ме загрижува. Во првото полувреме не покажавме страст или душа. Одигравме лошо и мора да се извиниме до навивачите. Пропуштивме златна шанса за да направиме убава бодовна разлика“.
„Мора да играш со страст, желба и илузија за да ја освоиш оваа лига, која не сме ја освоиле три години. Мораме да направиме уште многу работи. Пред нас е тешка задача, во трка сме со Реал Мадрид, шампион во Европа и Ла Лига“, изјави Шпанецот.
