Уште еден тим во плеј-аут лигата продолжи да изненадува со добрите резултати. Станува збор за Куманово, кој го совлада Голден Арт на домашен терен во последните секунди со 26-25.
Гостите од Скопје беа подобар противник во првото полувреме по кое водеа со 12-14. По одморот на теренот имаше вистинска битка, Голден Арт само во воведните минути имаше предност, по што домаќинот целосно се врати во средбата, во играта гол за гол успеа да излезе и подобар.
Кастратович со десет погоди беше прв стрелец кај Куманово, по три гола имаа Крстаноски и Даневски. На другата страна Милошески постигна девет гола.
