Срѓан Захариевски ја напушти тренерската позиција во лидерот на македонската Прва лига Струга Трим Лум. Од клубот соопштија дека двете страни ја раскинуваат соработката и дека во наредните денови ќе именува нов тренер кој ќе го води тимот во пролетниот дел од шампионатот.
Захариевски помина речиси три сезони на клупата на Струга, а најголемиот успех го оствари во 2021 година кога стружани играа во Европа (Конференциската лига).
Струга се уште е лидер на табелата со 39 бода, но сега има два повеќе од вториот Шкупи. На последните три меча струшката екипа освои три бода (три ремија).
