Крилниот фудбалер на Пари Сен Жермен, Ашраф Хакими е под истрага за силување, открива „Ле Паризиен“. Млада девојка била повикана во полиција да даде изјава, и покрај тоа што не сакала да поднесе пријава против фудбалеро, сепак, полицијата отвори случај и истражителите работат на случајот.
24-годишната девојка изјавила дека била силувана од Хакими, но не сакала да поднесе пријава против играчот на ПСЖ.
Според изданието, Хакими и девојката се запознале на Инстаграм. На 25 февруари договориле средба во домот на играчот во Булоњ. Во еден момент фудбалерот почнал да ја бакнува девојката која се противела, а според најзините зборови насилно и ја искинал облеката и потоа ја силувал.
Таа успела да го оттргне напаѓачот од себе удирајќи го со ногата и избегала од неговиот дом.
Полицијата отвори случај, па мароканскиот фудбалер ќе биде повикан на разговор за случајот.
