Кошаркарите на Њујорк успеаја да најдат формула за да го запрат најуспешниот тим во НБА лигата досега, Бостон победувајќи го со 109:94 со што ја постигнаа шестата последователна победа во НБА лигата.
Никси беа предводени од Џулиус Рендл кој средбата ја заврши со 23 поени, седум скока и четири асистенции, а одлична партија имаа и Имануел Квикли со 23 поени и Џејлен Брансон со 17 поени.
Во тимот од Бостон најефикасен беше Малколм Брогдон со 22 поени, а Маркус Смарт постигна 19, додека Џејсон Тејтум застана на 14 поени, девет асистенции и седум скока.
Селтикси со овој пораз првото место му го препуштија на Милвоки.
Мајами ја победи Филаделфија со 101:99 и ја прекинаа серијата од четири порази. Џими Батлер беше најдобар во победничкиот тим со 23 поени и 11 скока.
НБА РЕЗУЛТАТИ:
Шарлот – Детроит 117-106
Филаделфија – Мајами 99-101
Њујорк – Бостон 109-94
Њу Орлеанс – Орландо 93-101
