Лионел Меси на крајот на оваа сезона може да го напушти ПСЖ. Последните информации велат дека нема да ја продолжи соработката со францускиот првак, а клубовите кои се заинтересирани за неговите услуги веднаш тргнаа во акција.
За Аргентинецот има интерес од Ал Итхад од Саудиска Арабија, кој подготвил две годишен договор, по сезона истиот ќе вреди 88 милиони евра нето.
Ваква понуда не може да му понуди ниту еден друг тим, прашање е дали Лео ќе тргне по патот на Кристијано Роналдо, кој е член на Ал-Наср.
Меси и претходно беше поврзуван со клуб од оваа земја, Ал Хилал, неофицијално бил подготвен да го заврши трансферот за 300 милиони евра.
Што се однесува до ПСЖ, Меси барал плата од 35 милиони евра нето на годишно ниво и нов двегодишен договор, но клубот тоа барање не може да го исполни поради финансискиот фер плеј.
