Откако Спортмедиа претпладнево објави дека Јане Николоски, некогашниот репрезентативен голман на Македонија пристигнува на Чаир како нов директор на Шкупи, од клубот предмалку пристигна и официјализација на ова инфо.
Николоски е претставен како нов член од раководните структури на клубот, поточно нов оперативен директор, а тој по речиси две децении се враќа на Чаир. Николоски беше дел од онаа златна генерација на Слога Југмагнат своевремено која имаше огромен успех на домашна но и на интернационална сцена.
За Николоски ова е прво вакво директорско искуство, затоа што се досега беше ангажиран како тренер. Беше дел од Хоризонт Турново, Победа, Борец, Слога Виница…
Омер Буњаку и понатаму останува прв оперативец на клубот во функцијата на спортски директор.
