Бетис и Реал Мадрид одиграа одличен натпревар, но на крајот недостасуваа само головите. Средбата заврши со резултат 0:0, што воопшто не му одговара на „кралскиот клуб“ со оглед на денешната победа на Барселона, која по ова реми на Реал, дојде до +9 во однос на големиот ривал на врвот на табелата.
Реал Мадрид тргна офанзивно, па дури и успеа да поведе со 1:0 веќе во 12. минута, но голот на Бензема беше поништен откако судијата доби повик од ВАР просторијата и ја погледна снимката на која се гледа дека топката го погоди Ридигер во рака на патот кон голот, па голот оправдано беше поништен.
Реал Мадрид имаше уште неколку одлични позиции кои не дадоа резултат. Во вториот дел гледавме многу подобар натпревар. И двата тима имаа по неколку одлични шанси, но Реал беше поблиску до водство. Домашните успеаја да се одбранат и да останат непоразени.
