Манчестер Јунајтед синоќа го доживеа едно од најголемите понижувања во својата историја бидејќи на „Енфилд“ беше поразен со 7:0 од лутиот ривал Ливерпул. За своето однесување особено беше критикуван капитенот на тој тим, Бруно Фернандеш, но може да биде и жестоко казнет поради тоа што му го направи на линискиот тренер.
Тој е познат по своите арогантни и дрски потези, но овој пат ја премина секоја граница. Линискиот стручњак се обиде да го смири, а потоа Бруно Фернандеш направи потег со кој можеше да биде строго казнет. Тој намерно го турна додека поминуваше покрај него и за негова жал камерата јасно го фати.
Bruno Fernandes vs Liverpool
Multiple dives
Multiple questionable challenges
This sequence where he kicks out at Trent then makes contact with/ pushes linesman
Still ends up not getting booked by full time. pic.twitter.com/QbiCiEqoHV
— Zaid (@zkhan427) March 6, 2023
Ова видео стана главна тема на јавното мислење во Англија, кое бара арогантниот Португалец конечно да биде казнет за неговото грубо однесување. Физичкиот контакт со судиите на таков начин е строго забранет, па останува да се види дали ФА ќе реагира.
Некои англиски медиуми веќе шпекулираат дека Фернандеш се соочува со тешка суспензија и парична казна бидејќи тоа што го направи е целосно неприфатливо.
