Полн со оптимизам, францускиот напаѓач во дресот на ПСЖ, Килијан Мбапе изрази уверување дека парижаните ќе успеат да го победат Баерн Минхен во 1/8-финалето од Лигата на шампионите и да изборат место во четвртфиналето.
На првиот меч одигран во Париз, Баерн (М) замина како победник со 1:0 и на реваншот в среда на домашен терен ќе биде со голема предност пред францускиот шампион.
„Полни сме со самодоверба бидејќи сме одличен тим. Ние сме ПСЖ и секогаш сме фокусирани на победа. Одиме во Минхен за да победиме. Ќе одиме во следната рунда и ќе се вратиме среќни“, изјави Мбапе.
