Малку добри вести и за Челзи во овој период на сезоната кога стана екипа за потсмев поради лошите резултати во Премиер лигата и покрај неверојатните милиони дадени зимоска за нови фудбалери. По поразот во Дортмунд со 1:0 на првиот меч од осминафиналето на ЛШ беше јасно дека „сините“ ќе мора да удрат со сето оружје и да бараат победа од најмалку 2:0 за да поминат понатаму. А пред себе ја имаа Борусија која е во добар ритам и е лидер во Бундес лигата.
„Сините“ успеаја да ја надокнадат негативата. Прво Борусија ја снајде пех уште на стартот затоа што Терзиќ мораше да менува. Го извади повредениот Јулијан Брант, а на негово место влезе Рејна.
Водството дојде во 43 минута. Рахим Стерлинг го „отклучи“ голот на Мејер. По добрата акција и додавање од левата страна, Стерлинг прво промаши цел фудбал, но во вториот обид ја затресе мрежата.
Во 53 минута судијата Дани Макели покажа пенал. Прво се консултира со ВАР собата и покажа на белата точка. Хаверц го изведе пеналот но ја погоди стативата, сепак, ударот беше повторен. Германецот сега прецизен за водство на Челзи од 2:0.
Имаше Борусија неколку удари во второто полувреме но не успеа да извлече барем продолженија. Белингем и Волф по два пати, еднаш и Зиле се обидоа но не погодија.
Челзи прослави пласман во четвртфиналето.
Chelsea [1] – 0 Dortmund [1-1 on agg.] – Raheem Sterling 43′
Video Chelsea [1] – 0 Dortmund [1-1 on agg.] – Raheem Sterling 43′ was uploaded to Streamin.me on Mar 08, 2023.
Chelsea [2] – 0 Dortmund [2-1 on agg.] – Kai Havertz penalty 53′ (retaken)
Video Chelsea [2] – 0 Dortmund [2-1 on agg.] – Kai Havertz penalty 53′ (retaken) was uploaded to Streamin.me on Mar 08, 2023.
