Во последниот меч од 19.коло во ВМФЛ, сите останати се играа вчера, попладнево во Струга домашниот состав на Караорман со 1:0 успеа да го победи Тетекс. Стрелец на победничкиот гол беше Дебрешлиоски во 66.минута.
Слаб фудбал и од двете страни, сепак домашниот состав беше подобар токму за тој гол со што ги освои повеќе од потребните три бода.
Па така сега можеме да ја видиме табелата во ВМФЛ по одиграното 19.коло. Секако дека треба да се каже дека допрва треба да се знае што и како со вчерашниот меч меѓу Пехчево и Беласица кој не се одигра од познати причини.
ТАБЕЛА: Воска 46, Вардар 46, Гостивар 44, Пелистер 40, Детонит 33, Беласица 29, Охрид 29, Караорман 26, Беса 24, Арсими 24, Кожув 21, Пехчево 17, Саса 16, Слога (В) 13, Тетекс 11, Борец 1.
