Македонскиот тенисер Калин Ивановски не успеа да се пласира во полуфиналето на ИТФ турниирот во Кретеј, Франција откако денеска доживеа пораз од домашниот тенисер Тристан Ламасин.
Тоа беше неизвесен меч, а сетовите се решаваа во тај-брејкот. Првиот го доби македонскиот тенисер со 7-6(3). Во вториот сет имаше водство но неочекувано почна да губи на сила и му дозволи на противникот да направи пресврт, и овој сет отиде во тај-брејкот кој го доби Ламасин 7-6(1).
Решавачкиот сет исто така беше неизвесен отиде во тај-брејкот, а таму Французинот излезе поуспешен 7-6(5).
И покрај поразот Калин игра одлично оваа година. На патот до четвртфиналето ги елиминира Глинка и Киватсев.
На трите претходни турнири во Тунис имаше две финалиња и едно полуфинале.
