Макаби оствари голем триумф на гостувањето кај актуелниот европски првак, Анадолу Ефес, славеше со убедливи 64-86 за 15 победа оваа сезона. Тимот од Тел Авив се наоѓа на осмото место на табелата, додека пак турскиот состав е десетти, па пласманот во следната рунда е ставен под знак прашалник.
Болдвин со 23 поени беше лидер на победникот, додека пак Клајбурн постигна 12 поени кај домаќинот.
Барселона испушти голема шанса да дојде до триумф на гостувањето кај Фенербахче, водеше со 17 поени на стартот на првата четвртина, но потоа целосно паднаа. Турскиот тим ја превзема контролата на мечот, на крајот дојде до победа од 81-73. За каталонскиот гигант ова беше десетти пораз оваа сезона, со 18 победи е на третото место пред Фенер, кој има победа помалку, но и меч помалку.
Мотли со 16 и Гудуриќ со 15 поени го предводеа Фенербахче, Миротиќ со 19 поени беше најефикасен кај Барса.
