Во 24 коло на Бундес лигата се одигра баварското дерби помеѓу Баерн и Аугзбург. Соседите се пресметаа на „Алијанц арената“, а очекувано триумфираше Баерн со 5:3. Интересно, гостите преку Бериша во 3. минута дојдоа во предност, меѓутоа Кансело со својот прв гол за Баерн го изедначи резултатот. Следуваа два гола на Бенжамин Павар, кој го играше 150 меч за „баварците“ и еден на Сане за 4:1 на полувреме.
𝐆𝐎𝐀𝐋 | 𝖡𝖺𝗒𝖾𝗋𝗇 1-1 𝖠𝗎𝗀𝗌𝖻𝗎𝗋𝗀 (𝖢𝖺𝗇𝖼𝖾𝗅𝗈) pic.twitter.com/LCnP97wPcc
— EuroFoot (@eurofootcom) March 11, 2023
Во 60 минута Бериша од пенал намали, па Алфонсо Дејвис зголеми на 5:2, а конечните 5:3 ги постави Кардона во 90 минута.
РБ Лајпциг го победи Борусија Менхенгладбах со 3:0 со голови на Вернер, Форсберг и Гвардиол, сите во второто полувреме.
Инаку Борусија промаши пенал при резултат 0:0, а да погодеше мечот можеби ќе отидеше во друг правец. Статистиката покажува дека тоа е 74. промашен пенал на Менхенгладбах во историјата на Бундес лигата, само Вердер со 75 има повеќе промашени пенали.
На другите мечеви: Ајнтрахт – Штутгарт 1:1 и Херта – Мајнц 1:1.
