Лотар Матеус, иконата на германскиот фудбал, легендата на европскиот и светски фудбал, знаел со своите изјави и тоа како да ја шокира јавноста.
Така и овојпат кога јавно кажа дека овој Баерн Минхен е најквалитениот во клупската историја.
Се разбира дека сето тоа е работа на вкусови, но еве како некогашниот капитен на Баерн и репрезентацијата на Германија ги објаснува своите зборови:
“Кога сите се здрави, тогаш оваа екипа на Баерн е најквалитетна во историјата на клубот. Сега Баерн има 20 екстра квалитетни играчи кои во секој момент можат да бидат стартери. Во мое време имаше само 13-14 такви играчи. Пред извесно време кажав дека Баерн го нема посакуваниот квалитет, но сега работите си дојдоа на свое место. Клубот беше активен на пазарот, Брацо Салихамиџиќ знаеше што прави, затоа секоја чест за него. Да биде се идеално ќе треба да се донесе уште квалитет во нападот. И на крај да кажам дека големите имиња не ја освојуваат ЛШ туку тоа го прават големите клубови. Ова е како заклучок по двомечот на Баерн со ПСЖ“ изјави Матеус.
