По поразот од Еуро Никел, Кожув им се врати на победите на најдобар можен начин. Избраниците на Александар Јончевски после две години го совладаа ТФТ, поточно после три порази во низа. На домашен терен, гевгеличани беа подобри со 82-72 во рамките на 17. коло во Првата лига.
За кошаркарите на Кожув ова осма победа, важна во овој дел од шампионатот, на другата страна ТФТ кој остана трет на табелата го запиша шестиот пораз оваа сезона.
Клучна за триумфот на гевгеличани беше последната четвртина ја добија со 20-13. Овој дуел беше доста интересен со бројни промени на водството. Домашниот тим на стартот на втората четвртина поведе со 30-17, но ТФТ намали под десет на одморот (42-33), на момент се врати во третиот период, но немаше доволно сили за целосен пресврт.
Причина за добрата игра на Кожув се вика Гордон, кој запиша 32 поени и 6 асистенции, зад него беше Братоз со 15 поени. Кај ТФТ, 15 поени реализираше Мекбраер.
