Откако кандидатурата на Немања Видиќ не беше прифатена, и откако Драган Џајиќ остана единствен кандидат, легендарниот српски фудбалер, а потоа и функционер, и официјално е нов претседател на Фудбалската Федерација на Србија.
Огромата полемика која што се создаде во јавноста во Србија, денес и официјално е разрешена откако Џајиќ со огромно мнозинство на гласови, 78. од вкупно 85. е избран за нов водач на фудбалот кај нашиот северен сосед.
Околу Џајиќ и неговата способност да ја води федерацијата имаше огромни дилеми, пред се поради неговата возраст. Џајиќ има 77. години во моментов, и десет години не извршувал никаква функција.
Видиќ засега остана надвор од федерацијата, а овој негов обид се сметаше за почеток на еден нов бран на фудбалски функционери во Србија. Во моментов тој мора сепак да почека.
FOTO SPORTAL RS
