Вечерва се одиграа и последните реванш натпревари од 1/8 финалето во Лигата на Шампионите. Под Везув супер – Наполи за нова убедлива победа. Триумф од 3:0 над Ајнтрахт Франкфурт пред својата публика за еуфорија, за историски пласман во 1/4 финалето во ЛШ. Осимен повторно беше во форма со два гола, во 45. и 53.минута, додека третиот гол беше дело на Зијелински од пенал во 64.минута.
На овој меч настапи и Елиф Елмас кој ги одигра последните дваесетина минути на оваа средба.
Ова значи дека Наполи вкупно со 5:0 оди натаму.
На “Сантијаго Бернабеу“ фантастичен фудбал меѓу Реал Мадрид и Ливерпул, меч кој заврши со триумф на “кралевите“ со 1:0 и тоа со голот на Бензема во 79.минута. Веднаш треба да се каже дека и на двете страни имаше по неколку идеални шанси за гол, но сепак голманите Куртоа и Алисон беа фантастични.
Реал Мадрид со вкупни 6:2 се пласира во следната фаза во оваа сезона во Лигата на Шампионите.
