Кошаркарите на Торонто ја продолжија црната низа на Денвер, откако синоќа славеа славеа со 125:110 на домашен терен и му го нанесоа четвртиот последователен пораз на лидерот во Западната конфедерација. Репторс во првата четвртина постигнаа 49 поени што е рекорд на франшизата, а до победата ги предводеше Фред Ванвлит со 36 поени и седум асистенции.
Во тимот на Денвер најефикасен беше српскиот центар Никола Јокиќ со 28 поени, осум скока и седум асистенции. Нагетс последен пат победија на 6 март на домашен терен против Репторс, но сепак остануваат лидери на Западот со скор 46/23.
Кошаркарите на Милвоки обезбедија пласман во плеј-офот откако го совладаа Феникс со 116:104 во дербито на вечерта. Јанис Адетокумбо беше најефикасен со 36 поени, 11 скока и осум асистенции, а Брук Лопез додаде 21 поен.
ЛА Лејкерс го победија Њу Орлеанс со 123:108 и останаа во трка за плеј-офот. До победата ги предводеше Ентони Дејвис со 35 поени и 17 скокови, а Малик Бисли постигна 24 поени, од кои во првото полувреме имаше дури седум „тројки“.
НБА РЕЗУЛТАТИ:
Шарлот – Кливленд – 104:120
Вашингтон – Детроит – 117:97
Торонто – Денвер – 125:110
Оклахома Сити – Бруклин – 121:107
Њу Орлеанс – ЛА Лејкерс – 108:123
Сан Антонио – Орландо – 132:114
Феникс – Милвоки – 104:116
Портланд – Њујорк – 107:123
