Светскиот шампион со Аргентина, Хулиан Алварез потпиша едногодишно продолжување на договорот со Манчестер Сити, па се обврза да остане на „Етихад“ до 2028 година. 23-годишниот напаѓач, кој дојде во Сити од редовите на Ривер Плата, даде 10 гола во 33 меча во првата сезона за Сити и исто така даде четири гола за Аргентина со која го освои светското првенство во Катар во декември.
Првичниот договор му беше до крајот на сезоната 2026/27, но по одличниот старт на кариерата во Сити во договорот се додадени дополнителни 12 месеци.
„Сити ми верува, а тоа е неверојатно. Задоволен сум од мојата прва сезона, но има уште многу работи кои треба да ги направам. Знам дека можам да бидам подобар, а Сити ми нуди се што ми е потребно за да го искажам потенцијалот. Сега сум фокусирам на тоа да станам подобар и да помогнам да освоиме трофеи“, изјави Алварез.
