Баер Леверкузен, Рома и Ројал Унион се пласираа во четвртфиналето на Лигата на Европа и им се придружија на Јувентус, Феенорд, Севиља и Манчестер Јунајтед кој денеска порано го заверија билетот за наредната фаза.
Рома одигра без голови во Сосиедад, а победата од 2:0 на првиот меч во Рим им беше доволна за место понатаму. Баер Леверкузен со 2:0 славеше на гостувањето кај Ференцварош (и првиот меч заврши со ист резултат) одека белгиски Ројал Унион со 3:0 го победи Унион Берлин и за првпат избори пласман во четвртфинале на едно европско натпреварување (првиот меч во Германија заврши 3:3).
А во Лондон играат Арсенал и Спортинг. Првиот меч во Лисабон заврши 2:2, вечерва на Арсенал му требаше победа. Направи предност со голот на Гранит Џака во 19 минута, меѓутоа во 62 минута прими луд гол.
Педро Гонкалвеш со шут од огромна далечина го лобуваше голманот Рамсдејл за 1:1 поради што Спортинг се избори за продолженија.
𝐆𝐎𝐀𝐋 | 𝖠𝗋𝗌𝖾𝗇𝖺𝗅 1-1 𝖲𝗉𝗈𝗋𝗍𝗂𝗇𝗀 (𝖦𝗈𝗇𝖼𝖺𝗅𝗏𝖾𝗌) pic.twitter.com/UXxhtzKioH
— EuroFoot (@eurofootcom) March 16, 2023
