Последното кошаркарско вечно дерби помеѓу екипите на Црвена Звезда и Партизан ќе добие полициска епизода, затоа што „црвено – белиот“ табор денеска и официјално поднесе кривична пријава против играчот на Партизан, Матијас Лесор.
Поради нападот на Лесор кој се случи на крајот од мечот врз Филип Петрушев, за што играчот на Звезда веќе даде изјава во полиција.
Она што навидум изгледаше како мини инцидент каков што на ваквите мечеви сме гледале многу во минатото, се претвори во случај за истражување на полицијата, а и очигледно за судските органи во Србија.
