Македонската фудбалска репрезентација попладнево од 17 часот ќе го има официјалниот собир на стартот од подготовките за првиот меч од новиот квалификациски циклус за Европското првенство во 2024 година. Според планот на селекторот Благоја Милевски, повиканите фудбалери треба да се појават денеска во 17 часот во хотелот „Хилтон“ во Скопје, по што веќе два часа подоцна треба да одржат и првиот заеднички тренинг.
Македонија стартува со подготовките за првиот квалификациски меч од циклусот за Евро 2024 кој в четврток на домашен терен го играме против селекцијата на Малта. На првиот собир најверојатно ќе недостасуваат неколкумина интернационалци кои треба да го комплетираат составот во текот на вечерта.
Според планот, избраниците на Милевски ќе тренираат во Скопје на тренинг центарот на ФФМ.
