Македонската фудбалска репрезентација го одржа вториот тренинг вечерва на терените на ФФМ. Репрезентативците работеа под раководство на Благоја Милевски и се спремаат за предизвикот наречен Малта во квалификациите за ЕП 2024. Натпреварот се игра во четврток на стадионот „Тодор Проески“ во Скопје, а потоа на истиот стадион ќе одигра и пријателски меч со Фарските Острови.
На тренингот присуствуваа и Аријан Адеми и Стефан Ристовски кој денеска допатуваа во Скопје. Адеми во неделата се збогува со навивачите на Динамо затоа што направи трансфер во Кина.