По шпанскиот Суперкуп, Реал Мадрид најверојатно ќе му ја отстапи шампионската титула на најголемиот ривал. Барселона победи со 2:1 во „Ел Класико“ и сега има огромни 12 бода пред најголемиот ривал.
Реал Мадрид мора да победи на сите натпревари до крајот и да се надева дека Барса ќе забележи четири порази, што е двојно повеќе од досегашните во Ла Лига.
Поради сето ова мадридските медиуми и јавноста веќе креваат раце, но не со честитки до најголемиот ривал.
Карло Анчелоти по мечот изјави дека неговиот тим бил подобар и заслужил да победи, а натпреварот го решил „сомнителен офсајд“.
“Ние сме тажни, но и горди на начинот на кој игравме. Ако продолжиме вака, сигурен сум дека ќе освоиме нешто сезонава. Не ја победивме Барселона поради дискутабилен офсајд. Не заслуживме да загубиме, бидејќи бевме подобри на теренот. Сè уште можеме да го освоиме Купот на кралот и Лигата на шампионите, но нема да се предадеме ниту во Ла Лига. Горди сме по овој натпревар, и покрај поразот“, рече Анчелоти.
