А кој вели дека Хрватите и Србите се мразат? Не, напротив, кога имаат корист и тоа како соработуваат, посебно кога станува збор за криминал, односно за нечесни дејанија во спортот.
Фрањо Араповиќ, кошаркарската легенда на Цибона, на Хрватска и екс – СФРЈ, неодамна изјави нешто што навистина се граничи со невозможно, но дали?
„ Тоа беше во 2014 година кога во Белград се играше завршницата од Ф4 во АБА лигата. Цибона прво ја победи Ц. Звезда во полуфиналето, за да во финалето славеше и против Цедевита. Тоа беше голема сензација. На тие мечеви играше и мојот син Марко. И кога сите мислевме дека Цибона ќе игра во Евролигата, сепак тоа не се случи, играше Ц. Звезда која за 800.000 евра го “купи“ местото во елитната лига, поточно Цибона и го продаде своето место. Подоцна и самиот Човиќ призна дека дадени се тие пари и дека тие се помалку од 1.2000.000 евра колку што бара УЛЕБ за играње во Евролигата. Ете тоа е вистината за настаните од 2014 година“ потенцираше Фрањо Араповиќ.
