Кошаркарите на Бостон го победија Сакраменто со 132:109 во можеби најинтересниот меч од синоќешната понуда во НБА лигата. Џејсон Тејтум ги предводеше Селтикси со 36 поени, осум скока, четири асистенции и две украдени топки. Џејлен Браун додаде 27 поени со пет скока и четири асистенции, Дерик Вајт 20 поени и 12 асистенции, а Маркус Смарт 17 поени и седум асистенции.
Сакраменто го доживеа вториот последователен пораз, а Дирон Фокс беше најефикасен во тимот со 18 поени. Бостон е втор на Истокот и веќе обезбеди место во плеј-офот.
Кошаркарите на Атланта славеа над Детроит со 129:107 и му го нанесоа четвртиот последователен пораз. Треј Јанг со 30 поени и 12 асистенции и српскиот кошаркар Богдан Богдановиќ со 18 поени и три асистенции беа лидери во победничкиот тим.
НБА РЕЗУЛТАТИ:
Орландо – Вашингтон 122-112
Атланта – Детроит 129-107
Бруклин – Кливленд 109-115
Њу Орлеанс – Сан Антонио 119-84
Сакраменто – Бостон 109-132
ЛА Клиперс – Оклахома 100-101
