Во борбата за место во плеј-офот на Западот, Голден Стејт извојува победа на гостински терен против Далас со 127:125. Џонатан Куминга беше најефикасен кај актуелните шампиони со 22 поени, два помалку постигна Стеф Кари, а на Далас не му помогнаа ниту 30 поени и 17 асистенции од Лука Дончиќ, кој се врати на теренот по пауза од пет натпревари поради повреда.
Вориорс сега се шести на Западот со 38 победи и 36 порази, додека Далас е деветти со скор 36/37.
Кошаркарите на Денвер беа подобри од Вашингтон со 118:104, со уште една одлична партија на српскиот центар Никола Јокиќ. Ниту еден тим не водеше со повеќе од шест разлика во првото полувреме, а Нагетс потоа стигнаа до плус 21 откако ја добија третата четвртина со 39:16.
Јокиќ мечот го заврши со 31 поен, 12 скока и седум асистенции. Денвер и натаму е водечки тим во Западната конференција со 49 победи и 24 порази.
Мајами на домашен терен го победи Њујорк со 127:120, во уште еден важен натпревар во борбата за плеј-офот. Џими Батлер постигна 35 поени за победничкиот тим, додека Тајлер Хиро додаде 22, со што ми ја донесоа и 700-тата победа во кариерата за тренерот на Мајами, Ерик Споелстра.
НБА РЕЗУЛТАТИ:
Вашингтон – Денвер 104:118
Далас – Голден Стејт 125:127
Мајами – Њујорк 127:120
Торонто – Индијана 114:118
Чикаго – Филаделфија 91:116
Мемфис – Хјустон 130:125
Милвоки – Сан Антонио 130:94
Минесота – Атланта 125:124
Јута – Портланд 115:127
ЛА Лејкерс – Феникс 122:111
