Викендот пред нас ќе биде доста интересен кога станува збор за домашниот ракометен шампионат. Во СЦ Јане Сандански за првпат сезонава силите ќе ги одмерат двата најголеми кандидати за титулата, Вардар 1961 и Пелистер.
Пред мечот во недела, битолчани заминаа на кратко во Маврово, а веќе утре ќе се упатат кон Скопје каде ќе одржат тренинг пред големата пресметка.
Добро е познато дека двата тима излегоа со заедничко соопштение, побараа од своите фанови да се воздржат од било какви неспортски потези, апелираа победникот да се решава на теренот, не на трибини.
