Видеолотарија Касинос Австрија со спонзорство го поддржа македонскиот мотоциклистички шампион Христијан Бузалковски за учество на меѓународни шампионати.
Видеолотарија во своите заложби за поддршка на македонскиот спорт, донесе одлука за спонзорство на македонскиот мотоциклистички шампион Христијан Бузалковски, кој е член на Здружението Мото клуб СЕВЕНТУ ОНЕ TEAM Скопје. Средствата од спонзорскиот договор, ќе му овозможат учество на меѓународни шампионати.
„Оваа сезона ќе настапиме на европскиот FIM Europe шампионат во класата Superstock1000cup, потоа и на Алпе Адриа интернационалниот шампионат, како и на BMU European Road Racing championship. Покрај овие натпревари, ќе возиме и на домашниот национален шампионат во најсилната класа од 1000 кубни сантиметри, изјави Бузалковски.
Спонзорство е дел од стратегијата на Видеолотарија Касинос Австрија како општествено одговорна компанија да ги поттикне спортските навики и да го негува развојот на спортскиот дух кај младите.
