Струмичкиот прволигаш Наковски Волеј се пласираше во финалето на Купот во женска конкуренција, откако вечерва во второто полуфинале во Радовиш со 3:1 во сетови (25:16, 22:25, 25:10, 25:11) славеа против екипата на Вардар.
Струмичанки одиграа одличен прв сет, но паднаа во ритамот во вториот и им дозволија на „црвено-црните“ да израмнат. Сепак, квалитетот на Наковски Волеј дојде до израз во третиот и четвртиот сет во кој Вардар едноставно немаше решение за противничкиот напад.
Наковски Волеј во битка за титулата утре ќе се сретне со шампионот Работнички, кој во првото полуфинале го совлада тимот на Јанта Волеј со 3:0.
