МЗТ Скопје не успеа да го добие мечот на сезоната против Борац. Во Чачак, актуелниот македонски првак беше совладан со убедливи 105-84 од претпоследниот тим на табелата, па сега опстанокот во АБА-лига станува невозможна мисија.
„Честитки до Борец за заслужената победа. И пред да дојдам во МЗТ, ситуацијата беше многу тешка и клубот се обидуваше да се спаси од испаѓање од АБА1-лигата. МЗТ има големи амбиции, игра на три фронта.
Се плашев дека ќе паднеме енергетски кога е најпотребно, за жал, тоа се случи сега. Тоа беше периодот во 15 минута, немавме енергија за да сериозно му пружиме отпор на разиграниот Борац.
Причината е во тоа што ние играме на повеќе фронтови, додека други клубови играат само на еден. Сепак, не верувам дека причината за поразот е само во заморот, немаме оправдување ваков лош натпревар со слаба енергија. МЗТ игра добра и современа кошарка, некои за жал не ги доби, пред се мислам на дуелите со Будуќност и Игокеа. После ова се доведовме во ситуација да зависиме од дуелот со директниот ривал и тоа на негов терен. Серија на несреќни околности, се поклопија како што не треба против МЗТ Скопје, ова е многу болен пораз за нас. Ќе видиме како ќе тераме до крајот на сезоната бидејќи има уште многу да се игра во оваа сезона“, изјави Драган Николиќ по поразот.