Репрезентацијата на Казахстан на најдобар можен начин ги рехабилитираше тековните квалификации за ЕВРО 2024. Со триумф на домашен терен против Данска и тоа со голем пресврт.
Откако данците по половина час водеа со 0:2, и се беше сведено за нив на рутина до крајот на мечот, домаќинот не мислеше така.
Со серија на измени, правилни како што се покажа подоцна, Казахстан најпрво во 73. минута намали на 1:2 преку Зајнутдинов, за да во 86. минута Тагуберген израмни на 2:2.
Конечно, големиот пресврт го оствари Ајмбетов со удар со глава на фантастичниот центаршут на Вороговскиј од левата страна.
Гостите шокирани, и немоќни да се вратат во последните три четири минути можеа само немо да гледаат како им избегаа од раце веќе впишани бодови на контото.