Бутел Скопје им се врати на победите после поразот од Алкалоид, откако на домашен терен го совлада Пролет со 23-16 во рамките на шестото коло во плеј-офот. Двата тима одиграа скромно прво полувреме, во кое ниту еден клуб не успеа да постигне двоцифрен број на голови, резултатот беше 8-7.
Домаќинот почна силно со 4-1, но застана, по водството од 8-4, гостите со серија од 3-0 намалија на 8-7. По одморот, Бутел Скопје со серија од 5-1 зголеми на 19-14 и од овој момент не му дозволи на противникот да се врати во мечот.
Мајиќ со седум гола беше прв стрелец, Јефтиќ и Манасков со по четири погодоци беа зад него. Кај гостите Тотиќ, Димов и Андоновски имаше по три гола.
Бутел Скопје ја запиша втората победа во плеј-офот, додека пак на другата страна Пролет имаше пет порази.
