Гринвуд и Јунајтед одржаа состанок и ова е епилогот

Според Дејли Мејл, клубот е поделен околу можното враќање на Гринвуд во тимот. Спортско техничкото раководство смета дека на талентот треба да му се даде втора шанса, но во комерцијалниот дел се на мислење дека тоа ќе го наруши угледот на клубот. Спонзорите го отфрлија Гринвуд кога првично беа изнесени обвинувањата, а дресот со неговиот број беше целосно повлечен од продажба.

Гринвуд продолжува да ја добива својата плата од 70.000 фунти неделно. До крајот на договорот тој треба да инкасира уште осум милиони фунти и доколку клубот одлучи да го отпушти, најверојатно ќе треба да му ја плати целата сума. Од клубот моментално одбиваат да коментираат било што. Сепак, речиси е сигурно дека внатрешната истрага најверојатно нема да заврши со одлука дека Гринвуд е целосно невин за наводите за физичко малтретирање против неговата девојка Хариет Робсон. Двојката повторно е заедно, па дури и чекаат дете, а на сите им е јасно дека токму тој развој доведе до отфрлање на обвиненијата против Гринвуд, бидејќи неговата девојка, која беше клучниот сведок во случајот, се повлече.