Битката за титулата во плеј-офот од вечерва станува доста интересна, а за тоа се погрижија младите момци на Алкалоид. Дебитантот го совлада Вардар 1961 на домашен терен со 22-21 и му го нанесе првиот пораз оваа сезона.
По убедливата партија против директниот конкурент се чинеше дека „црвено-црните“ лесно ќе го одбранат тронот, но до вечерва, кога Алкалоид ги смени работите.
На голот на дебитантот неверојатно добар беше Благојче Трајкоски, запиша 15 интервенции, беше вистински ветер во грбот на своите млади соиграчи. На крајот искусниот голман доби честитки од Битола, а Алкалоид ја врати надежта во редовите на Пелистер и кај навивачите за титулата. Трајкоски беше четири години во Битола, прво во Пелистер 1, па во Пелистер 2.
Допрва ќе биде интересно!
