Астон Вила го шокираше Челзи на „Стемфорд Бриџ“ победувајќи го со 2:0 во еден исклучително важен меч за „сините“.
Иако Челзи беше огромен фаворит на овој натпревар, гостите одиграа одличен натпревар и на крајот ги однесоа трите бода од ова гостување. Гостите поведоа во 18. минута. Воткинс брилијантно го лобуваше Кепа и ги шокираше домашните навивачите.
Првата вистинска можност во вториот дел го донесе у вториот гол на натпреварот. Мекгин во 56. минута постигна маестрален гол за 2:0 со што ги закопа надежите на момците на Грем Потер.
Астон Вила сега е на 9. место со 41 освоен бод, додека Челзи падна на 11. место и има 38 бодови.
