Атлетико Мадрид славеше над Бетис со 1:0 на својот „Метрополитано“ во 27 коло на шпанската Ла Лига. Единствениот гол го постигна Анхел Кореа во 86 минута и со овие три бода „јорганџиите“ се зацврстија на третото место на табелата кое води во ЛШ (54 бода).
Инаку ова е четвртата победа по ред на Атлетико, а севкупно 16-та во првенството . Сепак, овој пораз не му ги намали шансите на Бетис за излез во елитното клупско натпреварување затоа што „зелено-белите“ кои имаат одлична сезона имаат 45 бода или три помалку од четвртиот Сосиедад кој ова коло загуби од Виљареал.
И четвртиот обезбедува место во ЛШ, а покрај Бетис за тоа место сега конкурира и Виљареал.
Ángel Correa hizo esta obra de arte para que el Atletico de Madrid le ganara 1-0 a Betis por la Liga. GOLAZO. pic.twitter.com/J3DYb9o16D
— VarskySports (@VarskySports) April 2, 2023
