Возачот на ВР46 Рејсинг, Италијанецот Марко Бецеки е победник на трката за ГН на Аргентина во кралската класа во Мото ГП шампионатот. Младиот Бецеки стигна до првиот триумф во кариерата и после оваа трка е лидер во шампионатот.
Одлично возеше младиот Италијанец на влажната патека во Аргентина, а зад себе ги остави возачот на Прамак Жоан Зарко и возачот на Гресини Алекс Маркез, кој стартуваше од пол позицијата на денешната трка.
Најголем трагичар е актуелниот шампиона Франческо Бањаја на Дукати кој направи грешка и падна во завршницата на трката со што го испушти второто место и водството во генералниот пласман.
Идната трка во Мото ГП е ГН на Америка која ќе се одржи на 16 април.
