Македонската женска ракометна репрезентација денеска стартува со подготовките за бараж мечот со Украина за пласман на Светското првенство 2023 година.
Предводникот на нашиот најдобар национален тим, Љубомир Савевски повика 20 ракометарки. Последна во стројот ќе се приклучи Сара Ристовска, која поради меч со ЦСКА Москва треба да биде на располагање веќе утре.
Македонија е домаќин на првиот меч, Украина ја пречекува на 8. април во СЦ „Борис Трајковски“ со почеток во 18:00 часот. Реваншот е закажан за три дена подоцна во унгарскиот град Кишварда.
